Ko tā mātou i Global Iwi, he mahi tahi ki a koe me tō kāhui tumu ki te whakarite i tētahi tuāpapa wāhimahi e taea ai e tō tira te kawe i ngā mahi ki te taumata tiketike, mā tētahi mahere e mārama ana te titiro.
Ko tā Global Iwi he tuku tohutohu hāpai hunga mahi hei āwhina i tō pakihi, kia tupu, kia ora ai.
Takatū Wāhimahi
Toro mai ki a Global Iwi mā mātou hei tuku ratonga e puta te hurihanga nui ki tō wāhimahi, e kitea ai tō ū ki te tiketiketanga o tō pakihi. Ko te takatū wāhimahi he titiro ki tō rautaki me te hāngai ki te hunga kaimahi, ka mutu, ka kitea ngā āhuatanga hei whakapai ake. Mēnā rānei e hiahiatia ana tētahi rautaki nui whakaharahara me te whakahounga hunga kaimahi, he whakatikatika noa iho rānei i ētahi wāhanga o tō wāhimahi, e taea ana e Global Iwi te whakahāngai i te ratonga ki tāu e hiahia nā.
Te Hunga Mahi me ngā Pūmanawa
E taea ana e Global Iwi te āwhina i a koe ki te tautohu i ngā pūmanawa me te tuku i tētahi mahere pūmanawa e tika ana mō tō pakihi o inamata mō anamata. Mēnā e kimi ana koe i tētahi tumu hou, tēnā he whānui te toro a Global Iwi me tā mātou rārangi pūmanawa e taea ai e koe tētahi te kimi hei piri atu ki tō kāhui tumu.
Hauora, Haumaru me te Oranga Tonutanga
He whānui ngā wheako o Global Iwi mō te hanga wāhimahi e whakawhiwhia ai ki ngā tohu tiketike mō ngā kōkiritanga hauora, haumaru me te oranga tonutanga. Ka āwhina mātou i a koutou ko tō tira ki te tautohu i ngā mea nui ki a koutou, mā roto o te hanga i tētahi hōtaka oranga, hōtaka hauora me te haumaru rānei. Hei aha koa te aha, ko te tangata kei te pūtake o te hauora, te haumaru me te oranga tonutanga, nō reira he mea nui te rangona o ngā kōrero a te hunga kaimahi, arā, ngā tāngata, e whai wāhi ai ō rātou whakaaro ki ēnei kaupapa, mā tēnā e angitū ai ēnei kōkiritanga.
